التوانسة الكل تتشكى من طول و كثرة الأوراق المطلوبة في أبسط المعاملات الإدارية، و مع الأزمة الصحية إلي جاتنا، رجع الحديث على الرقمنة و تعصير الإدارة لتسهيل حياة المواطن، و في وقت قصير تم إصدار مرسوم من رئيس الحكومة يتعلق بالمعرف الوحيد للمواطن إلي بيه هو باش يتم إحداث سجل يطلق عليه اسم “سجل المعرف الوحيد للمواطن” و زاد صدر أمر حكومي بضبط محتوى المعرف الوحيد للمواطن ومواصفاته.
◀ وضع المعرف الوحيد للمواطن حاجة مفيدة للتونسي و للبلاد ، و لكن فما برشة مخاطر متعلقة بحماية المعطيات الشخصية و المراقبة الشاملة. و السيادة الرقمية.
شكون معني بالمعرف الوحيد للمواطن و شنوة مجالات اللي يشملها ؟
هل الدولة التونسية مستعدة فعليا لبداية العمل بالمعرف الوحيد ؟
شنوة الضمانات المتخدة لحماية المعطيات الشخصية و السيادة الرقمية ؟
نقاش البوصلة (عن بعد) يجاوب على كل الاسئلة و غيرها مع :
- شوقي قداس رئيس الهيئة الوطنية لحماية المعطيات الشخصية
- سفيان الهميسي: مدير عام الاعلامية بوزارة الشؤون المحلية
- سليم عمامو: حزب القراصنة
